Maligayang Pasko! Saka Kilala N'yo ba si Ma'am SARAH RAYMUNDO?

ni Mykel Andrada
December 22, 2008

Hi everyone! Kamusta na kayo?

Nais kong magpaumanhin sa generic na sulat na ito. Sumusulat ako sa inyo bilang guro o dating guro ninyo, at bilang isang concerned na miyembro ng U.P. Nais ko ring ipabatid sa inyo ang dalawang bagay:

Una, Maligayang Pasko! Yung pinaka-sincere. Saka Manigong Bagong Taon! Yung pinaka-sincere rin :)

Ikalawa, kilala n'yo ba si Ma'am Sarah Raymundo ng Sociology Dept, UP Diliman? Nagtataka kasi ako, pati yung iba kong co-teachers, at iba pang students at members ng UP community, kung bakit hindi siya binigyan ng tenure or permanent status ng kaniyang department.

Sa mga di nakakikilala kay Ma'am Sarah, halos sampung taon na siyang nagtuturo sa U.P. Natatandaan ko nga nung first year ako sa U.P. noong 1999, naririnig ko na ang pangalan niya bilang isa sa pinakabata pero isa sa matalino, masipag, masigasig at matinong titser sa U.P. Nababasa ko rin yung mga articles na kinocontribute niya sa Kule. Needless to say, very bright talaga siya. Dati pa man hinahangaan ko na siya.

Nung magsimula akong magturo sa U.P. Diliman four years ago, isa si Sarah sa laging nag-uupdate sa akin about theories, research endeavors, mga pressing local and national concerns, at iba pa (pati kung anong usong damit at kung anong magandang pelikulang panoorin, o music na pakinggan). Dami kong natutunan sa kaniya! Pati kung paano ang tamang attitude sa pagtuturo, paano maghahandle ng students, mga teaching techniques, at ang value ng teaching, however cliche ang tunog.

Ngayon, lagi akong naglu-look forward kung may bagong article si Sarah sa kaniyang blog o kaya sa mga publications. Yun ngang article niya about isang beauty contest na segment sa dating show ni Willie Revillame, yung may mga contestant na kailangang highlighted ang pagiging "hyphenated" ng pagka-Pinoy (halimbawa, Filipino-American, Filipino-Swedish, atbp), talagang na-amaze ako kung paano niya napipinpoint ang mga hegemonic discourse etc. Nakakatulong ng malaki ang mga nababasa kong articles niya sa pagtalakay ko sa klase ng PP 17 (Pop Culture), PI 100, PP 19 (Sexualidad), Fil 128 (Wika at Diskurso), at iba pang subjects na itinuturo ko. Sabi nga ng isang colleague namin ni Sarah, "blog entries pa nga lang niya ay articles na."

She really has it. Theory and praxis!

Kaya nakaka-surprise talaga kung bakit di siya binigyan ng tenure ng kaniyang sariling department, when she deserves it talaga. Sana suportahan natin ang call or panawagan ng mga members ng UP Community para bigyan ng tenure si Sarah. Nasa ibaba yung nakuha ko mula sa weblog niya. Sign tayo ng online petition at basahin nating maigi at ipakalat sa iba pang tao, kahit non-UP puwede ring mag-sign.

Please find time, laluna ngayong Pasko at Bagong Taon, para suportahan si Sarah Raymundo.

Maraming salamat!

Mykel Andrada